Ggḍen sin n yimura ilemẓiyen n Uqbu i weḥric aneggaru n temzizzelt n warraz aseklan agreɣlan ” le Depestre “

Taseqamutt n temzizzelt n warraz aseklan agreɣlan 《Le Depestre》 tefren ass n 13 ctember 2023 Mass Buɛlem Baca ( Boualem Bacha) d Massa Dihya Harun (Dehia Haroun) i wakken ad εeddin ɣer weḥric aneggaru n temzizzelt-a anda i  d-gran 47 n yimura.

Mass Buɛlem Baca yetteki s tamezgunt yura s tafransist, umu yefka azwel  “Atlantide, mythe authentique ou fabriqué ?”, ma yella d  Massa Dihya Harun tekka s wungal i tura s tafransist “confiné mais pas que …”.

I yisalli, arraz-a i d-tessuddes tdukkla “ADVENTUS NOVA”  d teẓrigin “Milot-Paris”  d tajmilt i umaru ahayti René Depestre.

Ad d-nesmekti belli, ɣef uqerru n temzizelt-a n warraz aseklan 《Le Depestre 》 tamarut d tmedyazt Massa Racida Belqasem (Rachida Belkacem).

Imura zemren ad tekkin s waṭas n
tewsitin tiseklanin am ungal,tullist,tamezgunt, tamedyazt s kuz n tutlayin : tafransist, takeryult(créole), taglizit d tespenyulit.

Tafugla n welḥaq n waraz aseklan 《Le Depestre》ad tili ass n sed 08 deg wamber 2023 deg uxxam n Marikan Talatinit di Lpari.

Ɛmer benḥemmuc (Amar BENHAMOUCHE)