Tadawsa: aman yettnuzun deg tsiṭirin d amihi ameqqran i tezmert.

Nger tamawt belli deg yiseggasen-a ineggura  yennerna lbiε n waman di tsiṭirin n uplastik. Ayagi acku yella lexsas ageεmir deg waman, ama wid n tissit neɣ wid n tarda.

Ugur-a dɣa d win i sεan ama di temdint, ama di tudrin. Ma nemmeslay-d ɣef unebdu n useggas-a llant temnaḍin ttɣimint armi n 20 n wussan war ma rzan-d waman. D ayen i yettdemmiren imezdaɣ i wakken ad d-aɣen aman sɣur wid i ten-yeznuzun di tsiṭirin axir ma qqimen akken, ladɣa imi d lḥal n unebdu.
Γas ulamma seg yiwet n tama d leslak neɣ d tifrat i kra n medden, meεna seg tama-nniḍen d amihi ageεmir ɣef tezmert-nsen.

Rnu i ssuma-nsen i yettawḍen armi d 1500 Da i 1000 n litrat, aman-agi ur sliḥen ara i tissit. Imi tisiṭirin ttwaxedment s uplastik. Aneggaru-ya mara ad t-id-yettḥaz yiṭṭij simmal ifessi yessuffuɣ-d tanga yesmumen i izemmren ad d-yexleq i umdan uguren imeqqranen n tezmert.
Aredmani lukan i ttbeddilen yemsenza tisiṭirin-nsen, neɣ lukan i tent-ssiriden i tent-ssizdigen, lukan yekkes xersum wugur n yimikruben.

Di taggara, win izemmren menyif ad d-yaɣ aman n tissit seg tḥanut wala ma iger tazmert-is deg umihi.