Mestɣanem: yenɣa yiwen n wergaz 4 n yemdanen ɣef tikkelt

Ukuẓ n terwiḥin i yewwi yiwen n urgaz ɣef tikkelt di taddart ” Leclam”, aɣir n Mestɣanem. Dɣa ɣef leḥsab n usebter ” Fèminicide Algérie “, tadyant teḍra ass n 21 yennayer yezrin, asmi yekcem urgaz-a i wexxam n tin i ttuɣ d tameṭṭut-is (Nawal-T), yenɣa-tt nettat d yemma-s d baba-s s lmus d tefḍist. Syin akkin yessender times deg uxxam-nni. Yuɣ lḥal mmi-s i yesεan anagar sin n yiseggasen yella dinna, yemmut s uxnaq.

Ad d-nesmekti belli tameṭṭut-is i yesεan 30 n yiseggasen tebra-yas i urgaz-is. Meεna netta ur tt-yeǧǧi ara i lɣerḍ-is, yezga yettabaε-itt anda i truḥ, yewweḍ armi i as-yenna belli ad tt-ineɣ.
Daymi i tesres takamirat i tεessast deg uxxam n yimawlan-is.
Am akken i teccetka fell-as ɣur yiɣallen n laman, tenna-yasen belli yessagad-itt s tmenɣiwt.

Nawal i yellan d tajenyurt texdem akk ayen umu tezmer i wakken ad teslek seg urgaz-a, tebra-yas, teccetka fell-as, akken ur teslik am nettat am twacult-is.
Ayen yessewhamen d amḍan n tlawin i yettruḥun d tiseflatin di tmurt-nneɣ seg ass ɣer wayeḍ.
Ad sgunfun di talwit.