AWAL ΓEF UMARU JEAN ԐEMRUC, TAJMILT D USMEKTI

Jean Ɛemruc, s yisem-is n tidet, Jean Lmuhub Ɛemruc, ilul ass n 6 fuṛaṛ 1906 deg Yiɣil Ԑli (Bgayet). Yemmut ass n 16 yebrir 1962 deg Paris.
D amaru, d aneɣmas – s tutlayt tafransist – deg tedwilin n Radyu. D mmi-s n Faḍma At Manṣur, d gma-s n tmarut-tanaẓurt Ṭawes Ԑemruc.
Deg useggas n 1910, tunag twacult-is ɣer Tunes anda i yas-tettunnefk tɣelnewt tafransist.
Deg useggas n 1921, s yigemmaḍ igerrzen deg ulmud n uswir alemmas, yettwaṭṭef d aselmad n uswir amenzu deg Sus. Ssin, yesɣer deg yiwen n uɣerbaz unnig deg Fransa, d tesnawiyin-nniḍen, ladɣa deg Tunes…
Gar wayen yura d idlisen n tmedyezt – s tefransist –, ad naf :

• Iɣiɣden, [Cendres, poèmes 1928 – 1934), 1934.
• Itri uffir [Etoile secrète), 1936.
• Ccnawi n Yimaziɣen n tmurt n Leqbayel [Chants berbères de Kabylie], 1947. D ammud n yisefra i d-yelqeḍ seg tgemmi taqbaylit, ladɣa sɣur yemma-s Faḍma At manṣur Ԑemruc. D isefra s snat n tutlayin : Taqbaylit – Tafransist.
  Yura s trumit yiwet n termit « Yugurten imezgi » (L’éternel Jugurtha), i d-yeffɣen aseggas n 1946.
  Seg tmettant-is ar da, aṭas n wayen yura i d-yeffɣen d idlisen, ama s lmendad n tmusnawt Tasaεdit Yasin :
• Aɣmis (1928 – 1962) [Journal (1928 – 1962)], 2009.
• Jean Ԑamruc, iminig imezgi [Jean Amrouche, l’éternel exilé]. Antologia di testi (1939 – 1950), 2003.

Ama s lmendad n wid-nniḍen, am Denis Barrat i d-yesgerwen aṭas n yiḍrisen n umedyaz amyaru Lmuhub Ԑemruc, yeffeɣ-d d adlis deg useggas n 1963 s uzwel « Asirem d wawal, tamedyezt tazzayrit » (Espoir et Parole, poèmes algériens).

Lmuhub Ԑemruc yemmut s wazal n kraḍ n wagguren send timunent n Lezzayer i t-nekṛen. Yemḍel d aɣrib, akkin i wakal n yimarawen-is.

Jean Lmuhub Ԑemruc, d amedyaz, d amaru s ticcert tusdidt. D aggag yesεan azal ɣur yimusnawen imeqranen, ladɣa Irumiyen.

Γas s tefransist kan i yura, maca ul-is dima d aqbayli, d amaziɣ. Yenna-d d akken, ɣas yessen ad yaru s tefransit, maca yessen ad iru kan s teqbaylit.

Tajmilt sɣur: Nacer Medjdoub