(Akal Amellal Imkiren) : Tiɣri i tikkin deg tfaska n tmedyezt tamaziɣt

I kunwi i yetturaten s wawalen, i kunwi i yessetnayen tifyar tettakem-d tizulag n yisefra, Akal Amellal ad awen-d-yessawal !

Am yal aseggas, berrḥen-d yemḍebbren n tdukkla tadelsant Imɣi ɣef uzemz n tfaska tis ukuẓ n tmedyezt tamaziɣt. Dɣa ttiεad n useggas-a ad yili seg 21 armi d 23 ɣuct 2025, deg tesnawit n umenzu (01) n unbir 1954 n taɣiwant n yimkiren.

Tafaska n useggas-a ad tili d tajmilt i tnaẓurt-nneɣ Yasmina.

Ihi i wid i ran ad kkin, yewwi-d fell-asen ad aznen kraḍ n yisefra yettwarun s temεemmrit akked tferret n yisallen n yimekki ɣer tansa taliktrunit : Festivalpoesie2025@gmail.com .

Ayagi uqbel n 31 yulyu 2025. Ad d-nesmekti  belli imekki ilaq ad yesεu ugar n 18 n yiseggasen.

Ha-t-aya d acu i d-berrḥen deg usebter-nsen:

Tidukkla tadelsant IMΓI ad d-ger tiɣri i yimedyazen yebɣan ad tekkin deg tfaskka n tmedyazt tamaziɣt akal amellal IMKIREN deg teẓrigt-is tis ukuẓ(04) ara yilin d tajmilt i tnaẓurt tamuqrant YASMINA.

Tafaska ad tili gar 21 d 23 ɣuct 2025 deg tesnawit n umenzu (01) n unbir 1954 n taɣiwant n yimkiren.

G.T.krad n yisefra d tferret n yisalan ad ttwaznen s talɣa n pdf send 31 yulyu 2025.     

Attekki ad yili kan s krad n yisefra. Afud iǧehden i yimedyazen-nneɣ.