Aseqqamu aɣerfan n twilayt n Tizi Uzzu: Timlilit i usbedd unsib n umawal adeblan

Iheyya-d Useqqamu aɣerfan n ugezdu n Tizi Uzzu, ass-a 10 yebrir, yiwet n temlilit tussnant ideg kkin ddeqs n yimnadiyen, iselmaden, imaswaḍen d yimura.

Iswi n umlaqi-a d atebbet n umawal adeblan (lexique administratif) akken ad d-yefrari yiwen n ulqem (version), ad yettwazuzzer ɣef yakk tiɣiwanin d tdeblin. Muḥend Belqasem, s yisem-is d agensas n terbaɛt n yimsidag Iqbayliyen, ad yeɛreḍ ad isazzel amawal-a ula deg umaḍal umḍin.

Ddeqs n wudmawen i yettwaɛerḍen i temlilit-a n usbedd n umawal adeblan, gar-asen Dr Saɛid Cemmax, Massa Gercuḥ Lydia, Dr Ramdan Ɛacuṛ, Dr Ɛellawa Rabḥi, Laɛufi Ɛemmaṛ, Usalem Muḥend Waɛmaṛ, Muqran Cixi, Mediwi Nabil, Zidan Yasin, Aqrur Rezqi, Kebir Bussaɛd, Ɛerqub Ɛebdellah, Ḥacur Mulud, Belqasem Muḥemmed, Saḥli Muḥemmed akked Selmani Ɛezdin.