(Tividyutin 5/6). Tuɣalin n Uleḥlu: tizlit n 20 yebrir neɣ tiɣri i tikli tameqqrant

Deg tezlatin i d-yerna yesres-d ucennay Uleḥlu seg walbum-is amaynu i yettawin 18 n tezlatin, ad naf tizlit “20 yebrir” akked “My God”.

Deg tezlit “20 yebrir”, akken i d-yeqqar uzwel-is, yebɣa Uleḥlu ad issendeh ilemẓiyen akken ad as-fken ugar n wazal i uneḍruy-a(événement). Amzun akken d tiɣri sɣur-s akken ad kkin s ṭṭaqa di tikli i d-itteddun, akken i d-iwessef dɣa tignatin-nni di tazwara n tezlit. Imi ula d asuffeɣ, yefren ad d-yerr amaynut-is d azayez (public) send 20 yebrir 2021.
Ad d-nesmekti dakken yebder-d ula d tikkin n tmeṭṭut Tazwawt s lfuḍa-s d ccbaḥa-s.

Ma yella di tezlit tis snat ideg i d-yeqqar tikwal “My God” s teglizit, ad yefhem yiwen yebɣa unaẓur ad iεenni ɣur Bab n yigenwan ɣef.lbaṭṭel i iṭṭuqqten deg umaḍal.
Tikti i yesnerna dɣa di tezlit-nni, tcudd ɣer tedyant n yiwet n tmeṭṭut ur nufi ḥedd ɣer tama-s.

Simmal nettwali ihi amek yettḥuzay Uleḥlu aṭas n yisental ilmend n umaynut-a, rnu yettawi-d iɣaniben yemgaraden.

Yuɣ lḥal, tzemrem ad asent-teslem da i tezlatin-a iɣef i d-nuwi awal.

1- 20 yebrir

-2 My God