Yir tuqqna Internet: εewwlen-d medden ad ḥebsen annezdi-nsen

Seg yisental i yezgan deg yimawen n tmetti ussan-a, d tuqqna i ixuṣṣen nezzeh. Yuɣ lḥal tella txuṣ yakan, maca ussan-a ineggura tuɣal meḥsub d tilemt.

Ama d tin n Internet ( Algerie Telecom), neɣ d tin n usiwel ( Mobilis, Djezzy, Nedjma). Tenneεdam teywalt (communication) gar medden s ttawil-a deg wakud aneggaru.

Γef usentel-a, ddeqs i aɣ-d-yefkan tanaga-nsen. Ihi s umata, aɣbel-a yella deg temnaḍin akk n tmurt. Rnu i waya, ass n sem( lǧemεa) tettruḥu akk tuqqna. Inezdiyen n yimsemhal (operateurs), irkeb-iten zzεaf d ameqqran, ladɣa wid n ” Mobilis ” imi txelliṣṣen war abaɣur.

D ayen i ten-yeǧǧan εewwlen-d ad ḥebsen anezdi-nsen ma yella ur frin ara wid teεna temsalt aɣbel-a.