Paris: yeffeɣ-d Ferḥat Mhenni seg uxxam n yipulisen anda yella yettwaṭṭef

Ɣef wakken i d-wwin waṭas n yisallen unsiben, yettwaṭṭef ass-a di Paris, 18 mayu 2021, uselway n Umussu n Ufraniman i Tmurt n Yiqbayliyen d Unabaḍ, mass Ferḥat Mhenni.

Akken i d-iban lḥal, yeṭṭef mass Ferḥat Mhenni tanecda akken ad yerzu ass-a ɣer uxxam n yipulisen n twinest tis 17 (17ème arrondissement) n Paris. Mi yewweḍ din, nnan-as aql-ik ad tettwiṭṭfeḍ ɣur-neɣ ɣef teɣzi n 24 n tsaɛtin.

Ad d-nesmekti dakken ur iban ar tura d anta i d ssebba n tuṭṭfa-a.

Llan heggan yimeɣnasen ad gen anejmuɛ tama teɣdemt n Tewwurt Clichy, ɣef 14:00, akken ad d-beggnen ibeddi-nsen ɣer yidis n mass Ferḥat Mhenni.

D acu, kra n yisragen kan deg uxxam-nni n yipulisen, yeffeɣ-d Ferḥat Mhenni mettwal 20:30, tasaɛet n Fransa. Aql-it tura d ilelli.