Taqbuct n CAF: JSK tewwi-d rrbeḥ si berra, tger asurif meqqren i uḥric n taggara

D asurif meqqren i tger Terbeεt n Yilemẓiyen n Leqbel ( JSK) i uḥric aneggaru n teqbuct n Tefriqt. Ayagi imi, terbeḥ timlilt-is sdat n terbeεt n Coton Sport, berra n tmurt, s ugemmuḍ n sin yiswan i yiwen ( 2-1 ).

Γas ma yella mazal tettraǧu-ten temlilit n tuɣalin, meεna agemmuḍ i texdem ass-a, yefka-as asirem d ageεmir i wakken ad tεeddi i uḥric n taggara. Meḥsub, ula ma temεadal, neɣ texṣer war ma wwin-as-d iswi, d nettat ara iεeddin.

I yisalli, timlilit n tuɣalin ad d-tili deg wannar n 5 yulyu, ass n 27 di yunyu i d-iteddun. Imi s kra n wussan seld amulli n tmenɣiwt n Dda Lwennas Meεtub, dɣa d tagnit i wakken ad as-ren tajmilt s rrbeḥ.

Ad d-nesmekti belli yella-d umaynut ass-a, imi ḍebεen deg uεrur n umayyu isemawen n yimyuraren s tfinaɣ, akked wannay n Yimaziɣen.