Xerraṭa: temmut tmeṭṭut, jerḥen sin seg laksida n ubrid deg ufalu

Yeḍra-d yiwen n usehwu (laksida) ineqqen tasebḥit n wass-a, 29 yunyu 2021, deg ufalu (Tunnel) n Xerraṭa, yegla s terwiḥt n tmeṭṭut, yerna iseggra-d sin n yimejraḥ nniḍen.

Ɣef leḥsab n Uḥuddu aɣarim (Protection civile) n Bgayet, ssebba n laksida-a, i d-yellan mettwal 03:00 n tsebḥit, d mi terwel i unehhar tkerrust, s tmarka KIA Picanto, deg ufalu wis sin, dɣa teẓdem s lǧehd ɣef uɣrab.

Tameṭṭut-a yemmuten di leεmer-is 20 n yiseggasen, si twilayt n Tbessa. Ma d imejraḥ, tella tmeṭṭut nniḍen deg yixef-is 20 n yiseggasen, si Tbessa daɣen, akked urgaz si Tbatent (Batna), i yesεan 30 n yiseggasen.

I uselɣu, tasfelt yemmuten sawḍen-tt ɣer texxamt n yimattanen (morgue) n Xerraṭa, di lawan ideg uwwin imejraḥ ad dawin di sbiṭar.