Yemmut uselmad n tmaziɣt Ǧamal Nehhali

Yewweḍ amḍiq-is ass-a, 18 ɣuct, uselmad n tmaziɣt Ǧamal Nehhali di sbiṭar n Tbatent.

Seld kra n wussan n umennuɣ akked uvirus n Covid-19 i t-iḥuzan, yeḍra-d wayen ur urǧan wid i t-yessnen, yensa ass-a n ahad tameddit.

Ad d-nesmekti dakken yella Ǧamal Nehhali d aselmad n tmaziɣt di tesdawit n Bgayet.
Maca iseggasen-a ineggura yuɣal d aɣella n ugezdu n tutlayt d yidles imaziɣen di tesdawit “Ḥaǧ Lexḍer 2” n Tbatent.

Ayendin d tisedmar (réactions) n usḥissef i d-sbeyynen medden deg yiẓeḍwan inmettiyen, ama d imdukkal-is iselmaden, d inelmaden-is iqburen neɣ d imdanen s umata.

Mass Ǧamal Nehhali yeqdec aṭas ɣef tutlayt-is, ama s uselmed, s tira neɣ s unadi.