At Mεuc: tebda tfaska mucaεen n tazart ass-a lǧemεa

Tuɣal-d aseggas-a daɣen tfaska n tazart deg tɣiwant n At Mεuc, aɣir n Bgayet, seld kra n uddebded iseggasen-a ineggura ɣef ssebba n kurunavirus.

Dɣa, ilmend n teẓrigt tis 19, ass-a sem (lǧemɛa) i tebda tmeɣra-a di temnaḍt-a, ara idumen ɣef teɣzi n kraḍ (3) wussan. Meḥsub seg wass-a 15 tuber armi d acer 17 tuber 2021.

Aneḍruy-a n tgemmi theyya-t-id tdukkla n yifellaḥen n tɣiwant n At Mεuc s uberriḥ n “Amezruy, tafellaḥt d tdamsa iseḥḥan”, deg ssuq alemmas n taddart.

Am yal aseggas, yal yiwen yezmer ad yerzu si tura ɣer rreḥba-a i yettwasnen nezzeh di tama n Bgayet d Tmurt Taqbaylit s umata.

Ad d-nesmekti dakken, ɣef leḥsab n yimheyyiyen, ad tili tfaska-a ddaw leεnaya n Uɣlif n tyerza d tneflit tadigant, akked n mass lwali n waɣir n Bgayet.