Isehwa n webrid : qrib yenneqlab yiwen ufurgu deg ubrid aɣelnaw uṭṭun 26

Yeffeɣ seg ubrid-is ass-a, ɣef lewhi n 6;00 n tnezzayt yiwen ufergu i yeṣṣawaḍen imdanen. Asehwu-a, yella-d deg ubrid aɣelnaw uṭṭun 26, i yellan gar Sidi Ɛic akked Leqṣer.

Wid yellan deg-s, teṭṭef-iten rrehba tageεmirt. Γas ulamma, ɣef leḥsab n yisallen i aɣ-d-yewwḍen, selken akken ma llan, ur d-yeḍri kra, lameεna lawan n tugdi i sεeddan d lmuḥal ad tettun.

Yuɣ lḥal, yewwi-d uḥader, ladɣa imi ṣemmeḍ lḥal, yella wegris. Rnu i waya, tiṣebḥiyin n wass, itecceḍ webrid nezzeh.

Ad d-nesmekti belli, simmal rennun yisehwa n webrid i d-iḍerrun di Tmurt n Lezzayer. Γef waya, yewwi-d ɣef yinehharen ad ttḥadaren tirwiḥin-nsen, akked tkerruṣin-nsen.