Acimi yezreb Wakal-nneɣ deg tuzzya deg 2020?

 Deg useggas yezrin 2020, walan yimussnawen dakken yezreb cwiṭ Wakal deg tuzzya ɣef yiman-is. Ulac ahat win ifaqen, maca ass n 19 yulyu 2020 yella d ass awezlan maḍi leqrun-a iεeddan. Ass-nni, yuzzel Wakal am wakken werǧin yuzzil deg yiseggasen iεeddan, rnu aṭas n tikkal i d-yeḍra uzrab-a. Ula d arured i d-yellan deg 2005 ur yelli am win n useggas-a iεeddan 2020.

Mačči d ayen isehlen ad yeḥsu yiwen s waya, maca s wallalen imiranen n tetiknulujit, yessaweḍ umdan ad iger tamawt. Dɣa, deg yiwen n umagrad i d-yeffɣen deg Telegraph, yenna-d umesfizik Peter Whibberley tura yettezzi Wakal ɣef yiman-is s waṭas n urured, ugar n wayen walan deg 50 n yiseggasen iεeddan.

Tamentilt (ssebba) n uneḍruy-a yal yiwen amek i tt-id-yessegzay, maca tin iɣef msefhamen tuget n yimussnawen, ad yili tcudd s waṭas ɣer warmuden i d-iḍerrun gar uɣwaw n Wakal akked tama-s n berra. Ɣas ma yella ad teqqim ta d tiẓri kan ar tura.

Ayen akka i d-iḍerrun i Wakal seg tikkelt ɣer tayeḍ, ɣef tmuɣli n yimussnawen di taɣult, d ayen yellan d agaman. Yettusemma mačči d ayen seg ilaq ad ttqellqen yimdanen.