Bgayet: tender tmes deg yiwen n wexxam

Ddren yimezdaɣ n 1000 n tnezduɣin, deg Yiḥeddaden, tanezzayt n wass-a taswiεt n tuggdi. Ayagi imi, tekker tmes deg yiwen n wexxam.

I yisalli, axxam-a yezga-d di lbatima B12. Γef leḥsab n yisallen i aɣ-d-yeggḍen, tegla tmes s wayen akk yellan deg-s. Ama d dduzan, d leḥyuḍ, neɣ d tiɣawsiwin-nniḍen.

Ayen yeṣṣefraḥen, d iεeggalen n twacult imi selken. Deg-sen dɣa, tayemmat d ubabat d imeqqranen di leεmer, taqcict, akked sin n warrac.

I wesmekti, tawacult-a ttidiren di yir liḥala. Acku ur asen-d-yegri kra. Rnu i waya, qqimen war tanezduɣt.

Ihi di taggara ad d-nger tiɣri i wid yebɣan ad ten-iεiwen, ad ssiwlen ɣer 0794 84 82 98, neɣ 0661 64 04 10. Am akken i zemren ad ceggεen timεiwna-nsen ɣer wuṭṭun n CCP: 14539194 50 Djamel Amroun.