Tiwizi (tiwlafin): terza teɣlamt n yimsujjiyen n tnefsit akked terbeεt n yiqeddacen iḥemmlen lxir ɣer wid yenṭerren seg tmes di Tuǧa

Ass-a 5 ɣuct 2023, tessudes-d tdukkla ” Afus, Tuwadi Mulud ” n tɣiwant n Ḍiban, d ugraw n yimsujjiyen n tnefsit n Bgayet Ɛwica Buǧu ( Aouicha Boudjou) s ufus n tallelt n Massa Fayruz Musawi, yiwet n teɣlamt n yimsujjiyen n tnefsit i yerzan ɣer taddart n At Usaleḥ, taɣiwant n Tuǧa.

teɣlamt-a n yimsijjiyen n tnefsit tedukkel akked kra n wid yenwan ad fken afus n tallelt-nsen i wid yenṭerren seg yijajiḥen n tmes i iḥuzan tamnaḍt-a ussan yezrin.

Akken i kkin deg-s yemsujjiyen, i llan deg-s wid izemmren ad sseḥlun arrac s taḍsa d ucmummeḥ i ssekcamen i wulawen-nsen, am useḥḥar Mass  Fafu Buǧellaba i yellan di ttiεad akked imseḍsi ( Clown ) Mass Walid. Rnu deg ugraw-a tedda yid-sen daɣen tmeɣnast ur nessin εeggu Massa Massilva Berbère.

Ahil i d-heggan wid yerzan d amerkanti, ɣas iswi-nsen amezwaru, ad walin liḥala n tnefsit n twaculin d yimezdaɣ n tuddar yenṭerren. Wanag ad ilin leqdicat-nniḍen i warrac imecṭaḥ i wakken ad ttun yir tignatin i ddren, am win n useḥḥar, aḥeffef i warrac d wayen-nniḍen.

Ad nesnemmer kra win yekkin di teɣlamt-a, gar-asen aselway n tɣiwant n Ḍiban i asen-d-yefkan ttawil n tumnayt. Ihi ayyuz i myal yiwen d tal yiwet deg-sen.