Bgayet: yettwaṭṭef yiwen n umɣar seld imi yeεreḍ ad yekcem i yiwen n uxxam ad t-yaker

Taluft tebda imi yeqqim yiwen n urgaz deg uxxam-is i yellan deg Uεemriw tamdint n Bgayet, imir-n iwala yiwen n umɣar iεerreḍ ad d-yekcem ɣer wexxam-is.
Argaz-a yerfed asawal-is yessawel i yiɣallen n laman ɣer wuṭṭun-nsen 1548, ɣef lewhi n 16:00 n tmeddit, yessexber-iten s wayen yellan, belli atan yella uberrani iεerreḍ ad yekcem s axxam-is.

Iɣallen n laman i d-iruḥen dindin, ufan-t-id mazal deg uxxam-nni i yella.

Dɣa refden-t srid ɣer uxxam-nsen, xedmen-as akaram. Seld amciwer, yettwaṭṭef urgaz-nni.

Ad d-nesmekti belli argaz-a i iεerḍen ad yaker, yesεa 59 n yiseggasen di leεmer-is, ma yella d lasel-is seg twilayt n Tbatent.

Di taggara, yewwi-d uḥader, imi taggara-ya uggtent tedyanin n tukerḍa. Daymi yiwen ilaq ad yexdem akk ayen iwulmen i tɣellist n wexxam-is.