Tasuqilt i tebraṭ i yura Albert Pike

Albert Pike d uɣawas amciṭan n Unabad amaḍlan
Tabrat yura Jiniral Albert Pike i Guiespe Mazzini deg wass n 15.08.1871 tettwabder-d i tikkelt tamezwarut sɣur Ukumuddur William Guy carr (1895-1959) deg udlis yura “Pawns in the game” (“ibεan deg tiddas”, ẓrg. Takanadit n 1954 sɣur “Nationnal federation of Christian laymen”). Afesyan-a amellaḥ akanadi ittekka di terbeεt i d-yessileɣ Amrial Aglizi Sir Barry Domvile, d aqerru azemni n “Naval Intelligenece”, i yewwin lbaga-s deg 1936 syin ittwaḥbes sɣur W. Churchil Imi ikka mgal ṭṭrad.
Tabrat-a tewwi yid-s aɣawas n “tassast (crise), ṭṭrad, tagrawla” n 3 ṭṭradat imaḍlanen ara d-yawin tlala n tegrawliwin ara iḍebεen lqern wis 20.

Iswi i ttnadin m’ara d-xelqen tlata n ṭṭradat imaḍlanen:
Jean lombard, amezray, yura deg useggas n 1984: “Ma nεemmed ad d-yili ṭṭrad amaḍlan wis tlata, tanegra ad d-timɣur alamma wwḍen igreɣlanen ad xemmen i Unabad Amaḍlan s temsulta tagreɣalnt ara s-yefken afud iwakken ad d-yaf tifrat ama i wuguren n yiɣlanen wala igreɣlanen, iwakken d awezɣi ad d-ilin ṭṭradat imaynuten.

Afakul-a (argument) ad issiweḍ ad iqenneε aṭas n medden…” (“la face cachée de l’histoire” “Udem uffir n umezruy atrar” Sbt 553). Ih, aɣawas-a akk iteddu ɣer yiwen yiswi: aḥettem n Unabad Amaḍlan s ddyana-s tameɣradant…aεbad n Lucifer, isem n Cciṭan! Di 14 Yulyu 1889, Albert pike iberreḥ-d, deg umedya, i 23 n yisquma εlayen n ddunit (imeqranen n Ifrans-ibennayen (franc-maçonnerie) imeɣradanen): “Asɣan aḥeqqani afelsafi d liman di Lucifer.” (The freemason” n 19.01.1935).

Ṭṭrad Amaḍlan amezwaru ad iεemmed i wid ittusemman “Illuminati” ad snegdamen adabu n Yittsaren n Rrus wa ad beddlen udem aserti s ukcam n tmezdukla tawrebbanit. Amxallaf ara smendagen iqeddacen n “Illuminati” gar temnkda Tagnizit d wid n Lalman ad issendeḥ times n ṭṭrad. Mi tefra temsal, tazdukla ad d-tettwasexdem iwakken ad seεllen inubad d yisɣanen(ddyanat).

Ṭṭrad Amaḍlan wis sin: ad d-yilli m’ara d-xelqen iɣilifen gar Ifaciyen (fascistes) d Isyuniyen isertiyen. ṭṭrad-a ad d-yawi ɣelluy n Yinaziyen wa ad isseǧhed Asyuni aserti iwakken Israyil ad d-tuɣal s akal-is. Di ṭṭrad-a wis sin, tazmert n tezdukla ad d-tessiweḍ ɣer uswir n Tmasiḥit s lekmal-is. Mi yewweḍ ɣer uswir-nni, ad yettwaṭṭef akken wa ad yeqqim di lḥerzan-is iwakken ad yettwasexdem i twaɣit tanmettant ara d-yilin.

Anwa amdan iwwin lewhi s waya ur d-nettawi ara s lexber d akken Rosvelt d Churchil ssawḍen ɣer waya?

Ṭṭrad ameqran wis Tlata: ad d-yili s lxilaf ara smendagen Ineflas(agents) n Illuminati gar Isyuniyen isertiyen d Imeqranen n tmura tinselmin. Ṭṭrad-a ad d-yili gar Tineslemt (timura taεrabin s ddyan n Muḥemmed) d Usyuni aserti (Awanek n Israyil) alamma msengaren. Di lweqt-nni, iɣlan nniḍen ad ttwacergent merra s umennuɣ-nsent alamma wwḍent ɣer lqaεa di yal aḥric n tudert, adamsi, aserti, asɣani…atg.

Anwa amdan ur neddi d wa neɣ d wihin ur nettwali ara tixidas ad d-iḍerrun akka tura deg usammer alemmas, neɣ deg usammar atakur (extrême orient) deg uheggi n twaɣit icuban ta?

Ass n 15 di Γuct 1871, Pike inna i Mazzini d akken seld ṭṭrad amaḍlan wis tlata, wid iqesden ad ḥekkmen ddunit mebla faruq ad ḥurcen yiwet n twaɣit tanmettant tameqrant werǧin tessin ddunit. nezmer ad d-nebder imeslayen yuran di tebrat i yettwaḥerzen deg usalay n lundun:

“Ad nserreḥ i yigrawliwen d iwrebbaniyen dɣa ad nḥurrec yiwet n twaɣit tanmettant tameqrant, di jiεran-is(horreur) merra, ara d-isbegnen i yiɣlan later n twerbbanit taḥeqqanit, aẓar n uherwel ameqran m’ara mmaren idammen. Imiren akk lɣaci, mi ttwaḥettmen ad ḥudden ɣef yiman-nsen mgal takemmict tagrawliwt n ddunit, ad snegren wid itthuddun taɣerma, dɣa ihedman m’ara sḥisfen si Tmasiḥit anida tirwiḥin ittamnen s Rebbi ad εerqent, deg unadi n wayen ifazen, mebla ma ẓran s ani ara zzin aεbad-nsen, ad asen-d-tettunefk tafat n tidet s lemziyya n ubeggen ameɣradan n usekkud n Lucifer, ara d-yettubegnen ɣer taggara sdat n medden merra, d abeggen ara d-yawin ahuddu n Tmasiḥit d twrebbanit, m’ara ttwarẓen di sin deg yiwet n tallit.”

Sɣur : tiɣilt Urtiḥi