Lberǧ Mira: mazal yettkemmil unadi ɣef Mass Xebzawi Malek i yewwi uḥamul n waman

Seld mi i d-iban belli d aḥamul n waman i t-yewwin, acku llan inigan i t-iwalan. Rnu ula d gma-s iwekked-d isalli-ya, yenna-d belli yeffeɣ-d seg uxxam-is i wakken ad d-isaεef mmi-s i yellan yetturar lkarati di tzeqqa n waddal. Seg tnezzayt n yiḍelli, ur ḥbise yiqeddacen n Uḥuddu aɣarim anadi deg wasif n ugeryun d wayen i as-d-yezzin amer ahat ad t-afen, lameεna ar tura mazal ur d-iban later-is.

Imawlan-is d wid i t-iḥemmlen, gren-d tiɣri iḍelli i kra n win yebɣan ad ten-iεawen deg unadi ass-a, ad yerzu ɣer wasif-nni, ad yernu afus-is i ufus n yiqeddacen n Uḥuddu aɣarim.

Yuɣ lḥal ddeqs i d-yerran i teɣri-ya, imi rrwaḥ n urgaz-a iḥuza kra win i t-yessnen neɣ d win ur t-nessin.

Nessaram ad d-tefrir tafat ad d-tban tfekka-s. Seg tama-nneɣ ad nεezzi tawacult-is d yimawlan-is, ad asen-d-yazen Yellu tabɣest.