Liḥala n yiberdan(tiwlafin): isax ubrid uṭṭun 09 i yellan gar Bgayet d Sṭif.

I kra win yettεeddayen seg ubrid aɣelnaw uṭṭun 09 i yellan gar twilayt n Bgayet d tin n Sṭif, yewwi-d fell-awen ad tettḥadarem iman-nwen. Ayagi imi isax webrid-a deg wadeg umi qqaren “tabaẓit” gar Lberǧ Mira d Ucercur n Kefrida, ɣef sebba n ugeffur yeqwan i d-yewwten ussan-a.
Seg yiwet n tama iḥumul n waman ččuren iberdan d aberṭiṭ (aluḍ), akal, d ugerrac( idɣaɣen imectuḥen). Seg tama-nniḍen, ɣlin-d ula d kra n yisekla deg-s. War ma nettu liḥala n yiberdan-nni i yellan ur tgerrez, dɣa ula d iberdan-nni s ttimad-nsen nṭerren nezzeh.
Rnu i waya, abrid-a aɣelnaw uṭṭun 09 d win ḥecciren, ladɣa deg umkan umu qqaren ” Amṭiq uẓebbuc”. Adeg-a d amahi ageεmir, acku abrid-nni yezga-d nnig n wasif. Neɣ s unamek-nniḍen, d leṭwaq, d larsam, yerna ur sεan ara ssur ara igedlen aɣelluy n tkerrusin.

Ihi i kra win yettεeddayen syin-a, ilaq ad iḥader iman-is, ad yeseddu s ttawil.