Setta n wagguren netta di lḥebs: Amek ɣef taluft n Lwennas Ḥemzi

Ugar n setta n wayyuren segmi i yettwaṭṭef Lwennas Ḥemzi, di temdint n Tizi Wezzu. Tadyant-is ar ass-a mazal tεelleq ur d-iban wacemma fell-as.

Γef leḥsab n yimestanen-is, Lwennas yettwaṭṭef imi i yella d aneɣmas n Umussu n Ufraniman n Tmurt n Yiqbayliyen( MAK).

Ad d-nesmekti belli aṭas i d-ibedden s idis-is, ssuturen ad as-d-serrḥen. Ama di taddart-is neɣ berra-is.

Γef sseba n waya, ddeqs n yinejmuεen i d-yellan, anda i ssuturen ad as-d-serrḥen. Ama di Taddart-is Makuda, di twilayt n Bgayet, neɣ ula di Franṣa.

I yisalli, ula d akabar n RCD ibedd ɣer tama-s deg unejmuε-is. Dɣa ula d nutni ssuturen ad t-id-suffɣen.

Rnu i wigi, ddeqs n wudmawen yettwassnen i yessuturen tilelli-s, amedya, Nadya Meεtub. Taneggarut-a tesbeyyen-d ibeddi-s s idis n Lwennas. Dɣa temmeslay-d ula ɣef liḥala n yemma-s i yerɣan fell-as. Seg tama-nniḍen, tessuter-d deg wayetma-s ad bedden yid-s.