Tukerḍa n warrac. Tyaret: tettwasellek-d yiwet n tegrudt seg tukerḍa timḥettemt

Teḍra idelli, di twilayt n Tyaret, yiwet n tedyant i yessrehben imawlan akken ma llan. Ayagi imi, yeεred yiwen n wergaz ad yaker yiwet n teqcict tameẓyant i yesεan azal n 4 n yiseggasen kan di leεmer-is.

Taluft-a, teḍra deg yiwen n ufurgu, anda i cukken yemsefqaden ( controleurs ) n ufurgu-a deg yiwen n wergaz, i d-yewwin taqcict yid-s. Taqcict-a i yugin ad teḥbes imeṭṭi, tdemmer-iten i usteqsi.

D ayen i ten-yeǧǧan dɣa, εnan argaz-nni, steqsan-t ɣef tmentilt n yimeṭṭi-s. Aneggaru-a, yerra-asen-d belli taqcict-a d yelli-s n xalti-s, iteddu ad tt-yawi ɣur-s. Ma yella d imeṭṭi, tettru imi ulac yemma-s sdat-s, nettat ur tennum ara.

Ad d-nesmekti belli, imsefqaden-a ur tuqqenεen ara s wawal-is. Daymi, i as-ssutren i unehhar n ufergu ad yeḥbes sdat n yiɣallen n laman.

I yisalli, amakur-a, iwala kan iɣellen n laman, yeεreḍ ad yerwel. Iḥun Rebbi, ur t-ǧǧin ara wid yellan dinna. D anemgal, ɣlin fell-as s tiɣrit.

Γer taggara, iban-d belli taqcict-a d tukerḍa i tt-id-yuker seg wammas asenzan ( centre commercial ). Imir-n dɣa, ttfen-t yiɣallen n laman, ma yella d taqcict-nni, rran-tt i yimawlan-is.

Tallit tbeddel, ulawen qessiḥit, ihi ttḥadaret arraw-nwen.