Amaynut di tsekla taqbaylit : idlisen i d-yeffɣen aseggas-a n 2025

Nuɣ tanummi nettmagar yennayer s myal lxir, d usfillet i lxir akken ad yili d aseggas amerbuḥ. Meεna yennayer n useggas-a izad ɣef wid iεeddan imi ula d tasekla-nneɣ tqubel yennayer s umaynut yeɣɣentren, imura-nneɣ mugren yennayer s isekkilen d yifyar yettcebbiḥen annar n tira. D ayen i yefkan i yennayer n useggas-a tiẓeḍt taxlaft.

Ddeqs n yidlisen i d-yernan i temkarḍit n tsekla taqbaylit, ama d ungalen, ammuden n yisefra, ammuden n tullisin, timucuha neɣ d ayen-nniḍen ara d-yernun abaɣur-is i yimeɣri d tutlayt s umata.

— Idlisen i d-yeffɣen ɣur teẓrigin Ccix Muḥend Ulḥusin:

1) Ammud n tmedyezt ” Nnehta n usefru ” n umdyaz amaru Mebarek Gamar

2) Tamacahut ” Ḥdidwan ” n Massa Fatima Isahnounen

3) Ammud n yisefra ” Gar layas d usirem ” n Massa Samira Cirik

4) Adlisufus n ÉPICTETE ” Taεekkazt n umɣar azemni ” , n Samira Cirik akked Wiza Amur.

5) Ammud n tmedyezt ” Tawemmust n wawalen ” n Massa Malika Ferhani

6) Ammud n tmedyezt ” Seg targit ɣer tilawt ” n Mass Adel Idir.

7) Tamacahut ” Tteffaḥ n ẓrur ” n Massa Dalila Qeddac Cix

8) Adlis i yigurdan ” ad ɣreɣ ” n Mass Fahim Mesεuden

— Idlisen i d-yeffɣen ɣur teẓrigin talsa

1) Ungal ” Yelli-s n uqettal ” n Massa Zohra Aoudia

2) Ammud n tullisin ” ungif i yeddan εeryan ” n Mass Abdelkrim Tehraoui

3) Ungal ” Tiɣri n tudert ” n Massa Siham Harikenchikh

— Win i d-yeffɣen ɣur teẓrigin Mimouna:

1) ” Tarmit n uselmed n tmaziɣt s tmaziɣt di tesdawit Tazzayrit ” n Mass Mohamed Djellaoui.

— Tiẓrigin Dawat:

1) ” Tibratin ” d adlis amaynut n Mass Murad Mezri.

— Taneqqist ” yenna-as wuccen semmumet ” n Mass Ccix Lyazid, yeffeɣ-d i ddemma n bab-is.

— wid i d-yeffɣen ɣur teẓrigin ” Art plume “:

1)Adlis ” Tigzirt n tsekla ” n Mass Ḥammar Bussaεd

— Ammud n tmedyezt ” Taferzezza ” n Amirouche Amwanes