Tazmalt: tleḥḥu teẓrigt tamenzut n « Tezniqt n yidlisen »

Mazal tettkemmil rreḥba n udlis umi fkan isem « Tazniqt n yidlisen » i d-yettwaheyyan di Tezmalt sɣur Tnedlist Sεid Meqbel akked Tdukkla « Cité des lettres et du cinéma ».

Ɣef wawal n yiwen seg yimheyyiyen, Ḥamuc Tazaɣart, armi d iḍelli lexmis, ass amezwaru n usihar, azal n 13 n Teẓrigin i yekkin yid-sen. Tal Taẓrigt tegla-d s yidlisen i d-tsuffeɣ.

Ayen yerzan ahil n warmud-a, i yebdan seg 8 armi d azekka 10 yebrir, ad ilint deg-s temzikknin, tinezzuyin s ubuddu n yimura, rnu-as timliliyin tiseklanin. Annect-a merra ad d-yeḍru deg kraḍ n yimeḍqan yemgaraden; Abrid Azwaw Ɛemran, Tasnawit Ɛebdelmalek Fuḍala akked Tnedlist Sεid Meqbel n Ḥamuc Tazaɣart.

Ad d-nesmekti dakken yella yettwanwa ad yettwasuddes uneḍruy-a di 3 duǧember 2020, ilmend n usmekti n tmenɣiwt n uneɣmas Sεid Meqbel, wanag tḥettem-d awexxer-is tallit-nni n Covid-19.

Ar tura ddeqs n medden i yerzan i Tezniqt-a i yellan d akemmel i yiswi n uselḥem d usḥemmel n udlis n yimeɣriyen.