Bgayet: Imḍebber n tkebbanit Sumam yefka tallelt i wid yenṭerren seg zzenzla

Imḍebber n tkebbanit n yisafaren n uyefki Sumam, Lunis Ḥamituc, imudd ussan-a kan tallelt yimezdaɣ n Bgayet anda i d-tseggra zzenzla iεeddan lexsarat d timeqqranin.

Aya, mi d-iceyyeε akamyun ageεmir (asimi) n waṭas n yisufar n tgella i lfayda n twaculin-a ur nelli deg waddad yelhan akka tura. Yella-d waya s ubrid n tdukkla talsawant n tallelt i yimuḍan d yimeɣban « Sumam Aqbu », i d-yelhan s ufraq-is. Ahat ilmend n wayyur n remḍan i temmug tigawt-a. Ur telli d tamezwarut i tga termist Sumam, imi i d-tettak tallelt seg tikkelt ɣer tayeḍ s tal taɣawsa neɣ allal.

Ma yella d tidukkla-a « Sumam Aqbu », ad d-nesmekti dakken aṭas i txeddem d armuden baṭṭel i ubaɣur n yigellilen d yimuḍan s umata, ama d adawi, d aṭehher i yigerdan, d aεeyyer d wayen nniḍen.