At Sɛada: tiɣri i tikkin deg tfaska n tmedyezt

S lmendad n Ugraw n Yimedyazen Yezdin “Amedyez”, teggar-d tiɣri tdukkla tadelsant Anegmu i wid yebɣan ad kkin deg tfaska ara d-theggi i unebdu-a n sdat-nneɣ, seg 28 yulyu alama d 1 ɣuct 2021.

Tafaska-a taɣelnawt di teẓrigt-is tis snat, ad tili d tajmilt i unaẓur Taleb Taher. Ad temmag deg taddart n Ayt Sεada n Sidi Ɛli Bunab, di Tedmayt.

Ma ɣef yimedyazen iran ad kkin, ilaq ad aznen kraḍ seg yisefra-nsen, uran s usekkil alatin, ɣer tansa-a n yimayl: association.anegmu@gmail.com. Aya send 10 deg wayyur n yunyu 2021.

Yuwi-d ad seddun yimekkiyen isallen-nsen deg usebter weḥd-s, am wakken ur ilaq ad yili leεmer n umedyaz ddaw n 16 n yiseggasen.

I wugar n yisallen, tzemrem ad tsiwlem i yimheyyiyen n usihar-a, ɣer wuṭṭun-a n tilifun: 0550 22 00 16.