Buǧima: ad temmag ussan-a temlilit n Useqqif n Udlis
Seld tibawt (lɣiba) i icudden ɣer Covid-19, ad d-yuɣal ussan-a, di teẓrigt-is tis sḍis (6), Useqqif n udlis i d-tettheyyi tɣiwant n Buǧima seg tikkelt ɣer tayeḍ.
Ad d-teḍru rreḥba-a deg temkarḍit Muḥya, ɣef teɣzi n kraḍ n wussan, meḥsub seg wass n 20 mayu alama d ass n 22 deg wayyur-a. Ugar n tlatin n Teẓrigin ara yekkin deg usihar-a, rnu-as amḍan ageεmir n yimura ara d-yerzun seg tal tamnaḍt.
Ɣef wakken i d-nnan yimheyyiyen n uneḍruy-a, ad isenned usentel n teẓrigt-a tis 6 ɣer wayen yerzan tiɣɣerment turmidt (citoyenneté active). Ad n-yili daɣen wawal ɣef talakt, ɣef tlelliyin d umussu n ugdud.
Ma ɣef wahil i d-ibanen s umata, ad d-ilint tnezzuyin s ubuddu sɣur yimura, ad d-ilin yisaragen akked ṭṭwabel timezdiyin.
Wali daɣen:
