Ticci: ad yeg Yunes Ɛedli asarag ɣef Tnekkra n 1871

Ilmend n uεeddi n 150 n yiseggasen seg Tnekkra taqbaylit mgal Fransa, i d-yeḍran deg useggas n 1871, tenced tdukkla Asaki n Ticci amaru-amazray Yunes Ɛedli akken ad d-yawi fell-as asarag deg temlilit taseklant i d-tettheyyi seg tikkelt ɣer tayeḍ.

Ɣef usentel n usarag-a dɣa, ad yezzi ɣef « 150 n yiseggasen seld Tanekkra n 1871: isrusen n ccfawa » (Les enjeux de la mémoire).

I wid yeṭṭafaren timliliyin-a, ttiεad-a yelhan ad d-yili ass n sed-a i d-itteddun, 29 mayu, ɣef 15:00 n tmeddit, deg Unammas Adelsan Idir Ɛacur-Bakaru.

Ad d-nesmekti dakken Yunes Ɛedli d bab n waṭas n yidlisen ɣef umezruy, ama s teqbaylit neɣ s tefransist. Yesεa agerdas n turagt di tussniwin tisertanin.