Aɣrib: tettili-d teẓrigt tamezwarut n umsizwer n tmedyezt tamḥaddit

Ɣef teɣzi n 7 n wussan i d-tettwaheyyay akka tura deg Ugni Ucerqi, taɣiwant n Uɣrib, teẓrigt tamezwarut n umsizwer (concours) n tmedyezt tamḥaddit. Dɣa, tebda seg wass n ahad 26 mayu, ad tkemmel alama d 2 deg wayyur n yunyu 2021.

Heyyant-d asihar-a tdukkliwin Mḥemmed Isyaxem, Muḥemmed Igerbucen d Arraw n Tlelli s tallelt n Useqqamu Aɣerfan Aɣiwan n Uɣrib, Aseqqamu Awilay n Tizi Uzzu d Tenmehla n yidles.

Taẓrigt-a bɣan-tt yimheyyiyen d tajmilt i uneɣmas-amaru Ṭaher Ǧaεuṭ akked kra n yinaẓuren n temnaḍt-nsen, yecban Yusef Uqasi, Meksa Ɛebdelqader, Ḥnifa, Mḥemmed Isyaxem d Muḥemmed Igerbucen.

Ad d-nesmekti dakken nnig n tmenna n yisefra imḥaddiyen sɣur yimedyazen imekkiyen, ad ilin daɣen deg wahil yisaragen, amezgun d ccna s Taleb Taher di temdelt.