Amaynut di tira: teffeɣ-d tsuqilt « Taqsiḍt n tudert-iw » n Katya Tuwwat

Ussan-a kan i d-berrḥent teẓrigin Imru s tuffɣa n udlis “Histoire de ma vie” n Faḍma At Mensur Ɛemruc s talɣa taqbaylit, i d-tsuqel temsuqelt Katya Tuwwat.

« ..zgiɣ qqimeɣ d «Taqbaylit »: d awezɣi, xas akken sɛeddaɣ rebɛin n yiseggasen di Tunes, xas akken ɣriɣ mliḥ s tefransist, urğin sawdeɣ ad iyi-icrek wassaɣ n Ibaḍna la akked Yifransisen, wala akked Waɛraben. Zgiɣ qqimeɣ d timenfit-nni n lebda, tinna urğin nufi iman-is anda yebɣu truḥ », wa d agzul i d-yeddan di tduli n udlis.

I uselɣu, aṭas i d-yerran taggara-a adlis-a ɣer teqbaylit, am Hmed Ayt Bacir d Nadya Benεmer s uzwel n « Amezruy n tudert-iw », akked Katya Tuwwat tura i as-ifernen azwel « Taqsiḍt n tudert-iw ».

Adlis-a yella akka tura di tnedlisin n Tizi Wezzu, di leεḍil ad yili deg temdinin nniḍen.

Ad d-nesmekti dakken tura Faḍma At Mensur adlis-a deg yiseggasen n 1940, maca armi d-yeffeɣ deg useggas n 1968.