At Sεada: tettwawexxer tfaska n tmedyezt ” Amedyez Amaziɣ Iflisen Umellil “

Akken i yella yetturaǧu, sεan yimedyazen ttiεad ass n 28 yulyu i d-iteddun, deg At Sεada.

Ayagi i wakken ad kkin deg teẓrigt tis snat n tfaska n tmedyezt, i d-tettheggi tdukkla tadelsant “Anegmu”, akked ugraw n yimedyazen yezdin (AMEDYEZ).

Lameεna, ɣef leḥsab n uberreḥ-nsen deg usebter-nsen Facebook, timlilit-a ur d-telli ara deg lawan-is. Ayen i ten-yeǧǧan refden rray-a, d aṭṭan n Covid 19. I ugar n yisallen, ad tafem s wadda adriṣ n ulɣu-bsen.

ULΓU
Nekkni s tiddukla tadelsant “Anegmu” d Ugraw N Yimedyazen Yezdin (AMEDYEZ) ad d-nberreḥ i yinebgawen-nneɣ imedyazen d tmedyazin, imura d yineɣmasen d uzayez n tmedyezt s umata, s uwexxer n teẓrigt tis snat n tfaska taɣelnawt ” Amedyez Amaziɣ Iflisen Umellil “, ad yilin niqal ussan 28 yulyu ar 01 ɣuct 2021, deg Wat Sεada, d tajmilt i Ṭaleb Ṭahar, ɣer ttiεad-nniḍen, mi ara tgerrez liḥala tadawsant tettidir tmurt ussan-a sebba n uvirus ” COVID-19″
At Sεada, ass 23 yulyu 2021.