Amaynut di tira: yessuffeɣ-d Nadir Saxri ungal d ajdid

Taswiεt-a n Corona, ɣas ma yella qessiḥ-itt, tegla-d s wayen yelhan i tsekla taqbaylit. Ayagi imi, ddeqs n yimyura i d-yessuffɣen idlisen d imaynuten iseggasen-a yezrin.

Gar wayen i d-yeffɣen aseggas-a di tsekla taqbaylit, ungal ” Tafsut d tinigit ” n Mass Nadir Sexri.

Aneggaru-a, d mmi-s n At Wertilan tawilayt n Ṣtif, i ilulen deg useggas n 1966.

Ad d-nesmekti dakken, yella d aselmad deg uɣerbaz alemmas, armi yeffeɣ tastaɣt ( retraite ) deg useggas n 2017.

Seld tastaɣt-is s sin n yiseggasen, yessuffeɣ-d adlis-is amezwaru umu yefka azwel ” Tafunast igujilen “, di teẓrigin El Amel, deg useggas n 2019.

Ad d-nesmekti dakken, ungal-a i d-yessuffeɣ, yeffeɣ-d di teẓrigin ” Imtidad “, nessaram-a afud igerrzen.