Amsizwer uzzig Dda Lwennas: ffɣen-d yigemmaḍ d yismawen n wid i d-yufraren

Ass-a berrḥen-d yisebtar Asdawan, Iḥulfan d Imehbal, s yigemmaḍ n umsizwer uzzig Dda Lwennas di teẓrigt-is tis sa (7), i d-yettwaheyyayen yal aseggas.

Yella yetturaǧu ad ttwassnen ass n 30 yulyu yezrin, maca armi d ass-a i ten-id-sersen yimheyyiyen deg Facebook.

Dɣa, deg umḍiq amezwaru yezga-d Jamal Maḥrug s uḍris i izewwel “I kečč a Lwennas”. Massa Ɛelǧiya Buhar tḥella-d amkan wis sin s uḍris umi tsemma “I kečč a Lwennas”.
Ma deg umḍiq wis kraḍ, ad naf amaru Murad At Weḥmed s uḍris-is “Ccfawa ”

Ad d-nesmekti dakken amsizwer-a deg-s d tajmilt i unaẓur aɣewwaɣ Lwennas At Lewnis (Lwennas Meɛtub), deg-s d asebɣes i tira n tutlayt taqbaylit. Yennulfa-d deg useggas n 2015.

Hata wulɣu unsib i d-suffɣen yisebtar-a:

Igmaḍ n umsizwer uzzig Dda Lwennas n wungalen Asdawan d Iḥulfan d Imehbal!

Amḍiq amezwaru: Ǧamal Maḥrug, s uḍris-is “ I kečč a Lwennas”.

Amḍiq wis sin: Ɛelğiya Buhar, s uḍris-is “ I kečč a Lwennas”.

Amḍiq wis kraḍ: Murad At Weḥmed, s uḍris-is “ Ccfawa ”.

Tanemmirt i wid akk i d-yuznen! Ayyuz i tid i d-yufraren.

TIKKIN-NWEN D TAJMILT I DDA LWENNAS, D AZAL I TUTLAYT! AYYUZ!