Tiwlafin.Buluɣin: mmuten 3 n yemdanen imi i d-tegrareb fell-asen tnezduɣt-nsen

Kraḍ (3) n yiεeggalen n yiwet n twacult i yemmuten di Buluɣin, Lezzayer Tamanaɣt, iḍelli aram ( mardi ) 9 wembir.

Ayagi imi, i d-tegrareb fell-asen tnezduɣt-nsen taqburt anda i llan ttidiren. Tamentilt n ugrireb-a, d ageffur i d-yewwten s buhan. Yuɣ lḥal dɣa, axxam-nni yella deg yir liḥala.

Ad d-nesmekti belli, acḥal-aya tawacult-a tessutur ad as-d-fken tanezduɣt, lameεna ass-a ḍefren axxam n lebda.

I yisalli, yemmut ubabat n twacult, Γernuz Ṭeyeb 70 n yiseggasen di leεmer-is, akked tmeṭṭut-is, d mmit-nsen 49 n yiseggasen di leεmer-is.

Tawaɣit-a tesseɣli-d leḥzen d ageεmir ɣef yimezdaɣ n temnaḍt-nni akken ma llan. Ladɣa imi ẓran liḥala-nsen akken i llan ttidiren, d wamek i llan ssaramen tanezduɣt yelhan.

Ad sgunfun di talwit.