Elwadi: yesserɣ yiwen n wergaz tameṭṭut-is sdat n warraw-is

Tadyant teḍra ass n sem 16 yebrir yezrin di twilayt n Elwadi, anda i yesserɣ yiwen n wergaz tameṭṭut-is, i yesεanl n 30 n yiseggasen, sdat n sin n warraw-is.

Γef leḥsab n yisallen i aɣ-d-yewwḍen, taneggarut-a tella d tayemmat n 4 n lwacul. Tawacult-nsen i yellan d taẓawalit nezzeh, tettidir di yir liḥala. Yuɣ lḥal, am nutni am ddeqs n twaculin tizzayriyin, sεan uguren n tudert.

Ad d-nesmekti belli, argaz-a yexdem ccɣel-is deg lawan n yiḍes. Anda i ifareṣ tagnit n trusi n teswiεt-a, yesmar lmaẓut ɣef tfekka n tmeṭṭut-is, yessender deg-s times. Syin akkin, uzzlen warraw-is ssawlen i yimεacren.

Wigad-agi, refden-tt srid ɣer sbiṭar, teqqim cwit dinna. Meεna, imi ufan liḥala-ines d tin yenḍerren, rnu lejruḥ-is wwḍen ɣer tṣeddart tis kraḍ. ceyyεen-tt ɣer sbiṭar n wid yerɣan di Lezzayer Tamanaɣt, anda i tessuffeɣ tirwiḥt.

Di taggara, ɣas ma llan wid yeqqaren belli argaz-is ixuṣ di leεqel. Lameεna ar tura mazal ur d-iban ucemma ma yella d tidet neɣ xati.

Ayen yessuhamen ugar, d amḍan n tlawin i yettmettaten s tmenɣiwt di Tmurt n Lezzayer. Yuɣ lḥal, seg tazwara n useggas n 2022, ar ass-a, 13 n tlawin i iruḥen d tiseflatin.

Ad tesgunfj di talwit, tabɣest i warraw-is.