Tamesrit n udlis n At Waɣlis: ffeɣen-d yigemmaḍ n temzizzelt taseklant Muḥend Akli Ḥeddadu

Seld kraḍ n wussan n leqdic imɣenter gar isaragen yemgaraden, tasleḍt taseklant, d tnemselt taɣamsant, rnu i tejmilt i rran i sin n yimura-imedyazen Mhenni d uletma-s Kaysa Xalifi. Ur ǧǧan yiεeggalen n tdukkla  “agraw ” d yemḍebbren-is i d-yesuddsen leqdic-a, ɣef uqerru-nsen aselway Mass Smaεil uddan akked umaray amatu n tdukkla-a Mass Nadir Uddak ula d cwiṭ n tezmert di rrif ur tt-id-ssuffɣen ara, i wakken ad yesmurres ttiεad-a aseklan.

Ass-a dɣa 15 di yulyu i d ass aneggaru n temlilit ideg i d-ffɣen yigemmaḍ n temzizzelt taseklant n Muḥend Akli Ḥadaddu.

Kraḍ n  yimura i d-yufraren:
Arraz amezwaru yewwit Mass Farid Gelsem s ungal-is ” tiɣri n tlelli “, ma yella d arraz wis sin yettunefk i tmarut Massa Zuhra Awdiyya s ungal-is ” tadist yettwanaεlen “. Seg tama tayeḍ yettunefk warraz wis kraḍ i Massa Dalila Qeddac s wungal-is ” tissirt “.

Nekkni seg tama-nneɣ ad asen-nini ayyuz i wid i d-yufraren, gedha i wid nniḍen yekkin, afud i tdukkla ” Agraw ” d yiεeggalen-is.