Tamenɣest: mmuten 34 n yemdanen deg usehwu n webrid

D axessar ageεmir i yeḍran tanezzayt n wass-a ɣef lewhi n 04:15 n ddqayeq, deg ubrid aɣelnaw uṭṭun 01, di taddart n Utul taɣiwant n Tamenɣest (Tamenrasset). D asehwu n webrid i yeglan s terwiḥin n ddeqs n wid iḥedren.

Asehwu-ya i yeḍran gar ufurgu akked tkerrust, yegla s terwiḥin n 34 n yemdanen, yerna jerḥen 12 nniḍen, i yettwawin ɣer sbiṭar. Llan deg-sen wid yenṭerren nezzeh.

Γef leḥsab n yisallen i d-berrḥen yemḍebbren n Uḥuddu Aɣarim, asehwu-ya teḍfer-it tirɣi  n ufurgu akked tkerrust-nni imi tender deg-sen tmes.

Di taggara yewwi-d ad d-nesmekti inehharen d wid yesseqdacen iberdan ɣef umahi i ttidiren ladɣa deg ussan yecban wigi, anda i wwḍent tfesniwin n lḥamu ɣer tqacuct. Daymi i ilaq ad ttḥadaren iman-nsen d wid akk yesseqdacen iberdan.

Ad d-yazen yellu tabɣest i twaculin n wid yemmuten.