Leqser (Bgayet): yemmut yiwen n yilemẓi i teddhem tkerrust.

Yemmut yiwen n yilemẓi i yesεan anagar 19 n yiseggasen, deg usehwu n webrid i yeḍran ass-a ɣef lewhi n 17:08, deg ubrid aɣelnaw uṭṭun 12 i yellan gar waɣir n Bgayet n Tizi Uzzu.

Ilemẓi-ya i yellan yeznuzuy akermus deg yiri(rrif) n ubrid, terra-d ɣur-s tkerrust-nni i t-yeddehmen war ma yerra-d s lexbar, imi s tazzla i d-truḥ ɣur-s.

I yisalli, ilemẓi-ya seg twacult Ɛeṭruc, taddart n Buzellum, taɣiwant n Leqser.

Ad yesgunfu di talwit, yazen-d Yellu tabɣest i yimawlan-is d wid i t-iḥemmlen.