Timlilit n uznuzu s ubuddu akked umaru Ǧamal Laseb

Tasedlist ”Libre Pensée” i d-yezgan di tiɣremt tamaynut n Tizi-Wezzu tesuddes-d timlilit n uznuzu s ubuddu akked umaru-aneggal Ǧamal Laseb, ilmend n tuffɣa n ungal-is aneggaru ”Taleṭaṭ Mystère de << La main du Juif >>.
I yisalli, adlis-a yeffeɣ-d deg ussan yezrin ɣer uxxam n teẓrigin ”Frantz Fanon”.

Timlilit d tin ara d-yilin ass n sed 12 ɣuct 2023 ɣef lewhi n 10 n tnezzayt, di tnedlist Libre Pensée.

I usmekti, yexdem yakan umaru Ǧamel Laseb yiwet n temlilit n ubeddu n udlis-a amaynu, di tnedlist Tiers-monde, di Lezzayer tamanaɣt, ass n 05 ɣuct 2023 yezrin.

Mass Laseb i nessen  d ameɣnas n umussu asduklan, d aneɣmas, d amaru-aneggal, yessuffeɣ-d yakan ungal amezwaru umu yefka azwel ” Nna Γenni “, d yedlisen-nniḍen. D win yettarun s snat n tutlayin tamaziɣt d trumit.

Tira-ines ifazzen tesbeyyen-d belli Mass Laseb d win iqeddcen s wul, d win iεettben ɣef tira-s, d amnadi yettnadin war tilisa ɣef tmussni. D ayen i yeǧǧan imeɣri ara yeɣren tira-s, yettaf iman-is yettekcam deg umaḍal-nniḍen, amaḍal n tidet yifen asugen.

Ihi i kra n win iḥemmlen Mass Ǧamel Laseb d tira-ines timgerrezt, ttiεad-a d tagnit-nwen i temlilit yid-s. Ili-ken di ttiεad.

Sɣur: Mmi-s n Yilel