Tiwizi(tiwlafin): gan kra n yicennayen tameɣra di Buzeggan i uεiwen n wid yenṭerren si tmes di Tuǧa

Tidukkla n twizi ” Tiwizi ” n Ssaḥel s ufus n tallelt n terbeεt n taddart-a, suddsent-d yiwet n tmeɣra n ccna ideg kkan ddeqs n yicennayen, i uεiwen n wid yenṭerren seg yijajiḥen n tmes i iḥuzan taɣiwant n Tuǧa di Bgayet.
Tameɣra-ya tella-d ass n 8 ɣuct yezrin, deg wadeg umu qqaren Tamellaḥt, taddart n Ssaḥel, Buzeggan.

Akken i d-nemmeslay yakan buhan n yicennayen i yekkan di tmeɣra-ya n twizi, ad nebder deg-sen : Massa Bucafa, Ḥasen Aḥras, Lani Rabeḥ, Baylac akked Naεima Remḍani. S tigawt-a dɣa beggnen-d ibeddi-nsen s idis n wid yenṭerren seg tmes, akken i tt-id-nnan daɣen deg wawal-nsen.

I usmekti tadrimt n tmeɣra-ya ad terr qbala ɣer tuddar d twaculin yenṭerren.

Tanemmirt i tdukkla ” Tiwizi ” akked ugraw-a n yicennayen i d-yerran i teɣri n twizi. Aḥuddu aḥunnu fell-awen.