AMAYNU DI TSEKLA TAQBAYLIT: yeffeɣ-d ungal amezwaru n Zedek Mulud.

D ungal amenzu n unaẓur, acennay, amedyaz, Zedek Mulud. Ungal-a d win i d-yeffɣen ɣer teẓrigin KOUKOU, d win umi yefka azwel ” Tiɣilt n umaḍaɣ “.

I yisalli, Zedek Mulud yella yemmeslay-d yakan belli acḥal-aya netta yettaru, neɣ s unamek-nniḍen ddeqs-aya segmi i yekcem annar n tira, ɣas ur d-yessuffeɣ yakan adlis. Meḥsub armi d tura i as-tettunefk tegnit.

Dɣa di tdiwennit i as-yexdem uneɣmas-nneɣ Mhenni Xalifi talwit i yiɣsan-is deg udlis-is ” Zeddak Mulud, tamḥaddit d tmedyezt “, Zedek iwekked-d belli yettheggi adlis.

Mhenni Xalifi : tura ma nehder ɣef temsalt n tira, aṭasi tt-id-beddreḍ deg tezlatin-ik. Yaḍra tettxemmimeḍ ad taruḍ adlis ideg ara d-teḥkuḍ ayen i tesεeddaḍ, d kra n tlufa s yisem-ik d acennay amḥaddi ?

Zedek Mulud: Ahat! Tura ttaruɣ iḍrisen,  meεna adlis ur ẓriɣ ara. Meεna, acuɣer ala, yezmer sey-a ɣer sdat ad tgerrez teswiεt.  Acku tira ttaruɣ, ttaruɣ aṭas n temsal, jemmεeɣ-tent i yiman-iw. Ahat yiwen n wass ad awḍent d adlis. Awal s aḍris, aḍris s adlis.

Hatan wayen i d-yenna Mass Zedak di tsufeɣt-is n facebook.

” Azul ay imdukkal d temdukkal,

Xas jebdeɣ cwiṭ taqejjiṛt ɣef tmedyezt d uẓawan, kecmeɣ annar n tira i deg cqeṛṛeɣ iman-iw ad aruɣ yiwet n tmacahut yezzin yennḍen deg wallaɣ-iw. D iseggasen n uxemmem d uzeṭṭa n yimeslayen i isawḍen ad d-aruɣ ungal-agi amenzu « Tiɣilt n umadaɣ » ara ken-in-yawḍen s afus. Ssarameɣ ad awen-iɛǧeb, xas ma yella ilaq ula d asenqed.

Ad awen-d-nini sya ɣer zdat milmi ara d-ilin yisaragen d temliliyin n tuɣtin.
__________________
Bonjour mes ami(e)s
M’écartant momentanément des sentiers battus de la poésie et de la musique, j’ai découvert le bonheur de l’écriture en relevant le défi de coucher sur le papier une histoire romancée qui a longtemps trotté dans ma tête. Des années de réflexion et de tissage d’idées qui ont abouti à ce premier roman “Tiɣilt n umadaɣ” qui sera soumis à votre appréciation en espérant un retour d’écho encourageant et des critiques constructives.
Les dates des rencontres-débats et de vente-dédicaces vous seront communiquées ultérieurement. “

ITRI