Taɣuri n ungal « YEZGER ASAKA ».

Azwel : Yezger asaka
Tawsit : ungal
Taɣuri n wungal « YEZGER ASAKA »
Amaru:: BELƐIDI Lyas
Tiẓrigin : Imru
Adeg+aseggas n uṣiẓreg : Tizi Wezzu, 2019.
Isebtar+lxfawen: 111n yisebtar, bḍan yef 5 n yixfawen.

Tameddurt n umeskar:
Lyas BELƐIDI, ilul ass n 06 di tuber 1990 deg Larebɛa Nat Yiraten. Yesɛa agerdas n Master deg taɣult n tesnilest Tamaziɣt i d-yuwi seg tesdawit n Mulud MƐEMMRI. Akka tura d aselmad n tmaziyt deg tesnawit Xewwas
Ḥsen di Larebɛa Nat Yiraten. Yuwi aṭas n warrazen, aneggaru d arraz n uselway n tigduda i d-tsuddes HCA aseggas 2021, s udlis « Tasnayt
tamazrayt».

Agzul n wungal :
Ungal yebda s umagrad i yura « Lbaz amerẓu » akka i yefka Mennad isem i yiman-is. Deg umagrad ad naf aɣenja n Mennad yessuli-d ayen yellan deg
teccuyt n tmurt-a, adabu n tmurt i yeččan araw-is, rnan demmiren-iten ɣer
yilel ad ten-yečč uslem, mi ara rewlen seg miḥyaf ttafen-d tamettant, neɣ ad
ten-yellten yiberraniyen, ad awin cciεa s yismawen-nsen.
Deg yixf amezwaru, umi yefka umaru azwel « Anda-t umur-iw », yuwi-d awal ɣef Syadu Myga, awaden agejdan. Yekker-d deg tmurt n Mali, yeɣra,
yessen yerna yefhem, maca ur yufi ara amur-is deg tudert, yeggra-d war
axeddim, inuda acḥal d aseggas almi i d-yufa iman-is gar tiyuẓad akked
tebḥirt-is.

«Afus ineqqen », azwel n yixf wis sin, terra-d yiwet n tkebbanit taberranit i
yellan deg temdint n Bamaku i usuter n Saydu, deffir rebεa n yiseggasen. D ass i yettraǧu Saydu acḥal d aseggas. Yejmeε lqec-is, yeṭṭef abrid-is,
axeddim yettraǧu-t. Yebda axeddim, deg wass amenzu, icenga n talsa jban
yef tkebbanit, d agraw n yinselmen, neqqen s yisem n Rebbi, ɣlin yef
yixeddamen n tkebbanit ur ǧǧin yiwen, ma d Saydu yemneɛ. Akka i d zzher-
is, yekker ad ikeḥḥel yiwen n wass, yedderɣel.

Ur as-d-teqqim tudert deg tmurt ur nseččay win yelluẓen.
Saydu, « yezger di teẓgi n yiwaɣzen-iwen » (azwel n yixf wis tlata), yuli-d asawen, abrid-is ɣer
tmurt n Lezzayer, amer ad yaf dinna ayen ur yufi di tmurt-is, neɣ mulac ad
ikemmel ad yezger asaka ɣer Lurup. Yebda yexdem ixeddem deg Ḥasi
Mesεud, syinna deg ssuq n Msila, deg ssuq n Msila yečča tiɣrit, imi usmen
deg-s wid ixeddmen am netta, dɣa d ayen i t-yeǧǧan ad yerwel, ikemmel
abrid-is ɣer ugafa n tmurt.
Miḥyaf i d-yesεedda Saydu deg Ḥasi Mesεud d Msila ahat yugar win n Mali, dɣa « Taqbaylit tger-as irebbi » (azwel n yixf wis rebɛa). Yerwel ɣef ukamyun n walim, ur yeẓri almi i d-yufa iman-is deg tmurt temxalaf yef Lezzayer, almi
yenwa yeffeɣ akk seg-s, dɣa kra wussan ifaq deg tmurt n Yiqbayliyen i
yella ». S tidet tamurt-a tger-as irebbi, anida yiwen ur t-iḥeqqer, ttqadaren-t akken ma llan, rnu yessexdam-it Ba Muḥ (Muḥend U Yidir), yesṭaray-as sselɛa. Yufa ula d tadf-ines n tuzzuft, anida i yufa Ṭiṭi, yelli-s n Ba Muḥ, dɣa
taqcict-a yeεjeb-as Saydu, rnu yur-s ula d nettat txaq, d tagnit kksen Ixiq i sin.
Tamettant n Ba Muḥ, tessegra-d Saydu d umdakkel-is Mennad bla axeddim, imi llan xeddmen yur-s. D ayen i ten-yeǧǧan ad d-afen tifrat n trewla seg
tmurt, dɣa fernen ad zegren asaka ɣer Fransa, ass yettabaε ass almi i d-
ufan iman-nsen deg « Teflukt tettcerrig lemwaji » (azwel n yixf aneggaru).

Tamuɣli-w yef wungal :
Imeɣri n wungal-a, mi ara t-yekfu s tɣuri, asteqsi amezwaru ara as d-yasen
Γer wallaɣ-is : « Ma yuwed Saydu yer Fransa neɣ ala ? »

Amaru yesban-d tiḥerci-ines deg temsalt-a, anida yekfa wungal-is s taggara
yedlin, tettaǧǧa imeɣri yesteqsay, maca, imeɣri iḥercen daɣen, ad d-yaf
tiririt, anida tella (tririt) deg snat n temsal. Ad d-fkeɣ amatar amezwaru i d
yesbanayen Saydu Mayga yuwed yer Fransa:
Mi ara nmuqgel yer yizwal n yixfawen yellan sdaxel n wungal :
I-Anda-t umur-iw: dayi d Saydu i d-inetqen, yettnadi yef umur-is deg tmurt-is.
II- lfassen ineqqen : dayi yettmeslay-d yef yirebraben.
III- Yezger tiẓgi n yiwaɣzeniwen: Mi ara d-neddem amyag « Yezger », ad naf amatar udmawan «y-», yettaqqal ɣer Saydu (netta).
IV- Taqbaylit tger-as irebbi : dayi, mi ara nerr lwelha-nneɣ yer umeqqim
udmawan awsil «-as », ad t-naf yettaqqal ɣer Saydu, imi i netta umi tger
tmurt Tagbaylit irebbi.
V- Taflukt tettcerrig lemwaji : wayi ur aɣ-yeɛni ara.

Deg yizwal yixf amezwaru d yixf wis tlata d wis rebɛa, ad ten-naf ttaqqalen ɣer Saydu, imi d netta i d awadem agejdan.
Tura ad neqqel ɣer uzwel n wungal « Yezger asaka », ad d-neddem
amyag « yezger », ilmend n umatar udmawan « -y» ad t-naf yettaqqal ɣer umqim udmawan « netta », bla d cekk d Saydu (awadem agejdan), ihi, Saydu, yezger asaka, anamek-is yuweḍ ɣer Fransa.
Amatar wis sin i d-yesbanayen Saydu d terbaɛt-is uwḍen ɣer Fransa, d
amagrad i d-yeddan deg tazwara n wungal. Yura-t « Lbaz Amerẓu ». Mi ara
nɣer deg usebter wis 103, ad naf Mennad yettaru deg tesɣunt« Taferka »s
yisem n lbaz amerẓu, ihi lbaz amerẓu d Mennad. Mennad yedda d Saydu
deg teflukt ɣer Fransa. Ad neqqel tura ɣer umagrad-nni i d-yeddan deg
yisebtar :7-8-9- 10d 11, ad naf ɣer taggara yura : Lbaz amerẓu, seg Fransa,
tasɣunt « TAFERKA», yura-d« Seg Fransa » anamek-is Mennad yuweḍ ɣer
Fransa, bla cekk ula d tarbaεt-nni uwwḍen akken ma llan.

Aɣanib:

Deg wungal « Yezger asaka », ad naf ameskar yesni ineḍruyen wa deffir wa,s lekyasa d ccbaḥa n tutlayt i yessemres. D aɣanib i yellan d afsas,
yettwafham, yeshel i tɣuri.
Isental yellan sdaxel n wungal :
Asentel agejdan d tarewla seg tmurt (Herraga), anida Saydu Mayga
(awadem agejdan), yerwel seg snat n tmura, di tazwara seg Mali ɣer
Lezzayer, sakkin seg Lezzayer ɣer Fransa.
Asentel wis sin i yellan, d lbaṭṭel n yessexdam udabu iḥekmen tamurt n
Lezzayer, aya yedda-d deg umagrad i yura Mennad, ad naf yenna-d deg kra n tukkisin:
« ..kksen tilelli seg yilsawen amar agdud ad d-yini tiqerḥanin.. » (sb’07]
« Ǧǧan iεebbaḍ d ilmawen akken win yeččan imekli ad iḥebber i yimensi, ur
iseεεu lweqt i uxemmem d umeyyez neɣ ad iwali deg wudmawen n wid
iḥekmen..» (sbO8]
Asentel-nniḍen, ad naf « chomage », anida Saydu d Mennad ffɣen-d i sin seg tesdawit, ɣran almi caben, ur ufin ara axeddim s wayen ɣran, dɣa d aya i yettaǧǧan ilemẓiyen regglen seg tmura-nsen.
Ad naf daɣen asentel n tmuḥeqqranit neɣ « racisme» ɣer yiberkanen, ladɣa sɣur uɣref n Lezzayer, tamezwarut d tameṭṭut i yufa Saydu yekkat-itt yiwen
d azzayri nettat d mmi-s, sdat n lɣaci maca yiwen ur as-yenni ayɣer ! Rnu yer
waya, wid iḥeqqren Saydu deg ssuq, imi t-walan yif-iten deg uxeddim. Aya
iban-d deg yixf umi yefka umeskar azwel « Yezger di tezgi n
yiwaɣezniwen », dɣa awal « iwaɣzeniwen yesbanay-d amek gan yimdanen
iɣef d-iεedda Saydu.

Llan daɣen waṭas n yisental nniḍen, i yecban rrebrab, tayri..
Tutlayt n wungal: Nezmer ad d-nini d tin isehlen, maca ameskar yessexleḍ
gar umawal aqbur (tni ca, anessis, ..) d yiwalnuten (agerdas, tadamsa,
tanezduɣt tasdawant…) s leḥruciya, anida ur d-ttasen ara ẓẓay-it ɣef yimeɣri.

Tukkist seg wungal:
« Mačči d Imuḥal i nettnadi, byiɣ kan ad idireɣ deg tlelli ad ḥulfuɣ s yiman-iw d amdan i yettidiren. Ticki ara nadiɣ yef uzref-inu ad t-afeɣ yewjed, ur
ttḥellileɣ ḥedd ad t-id-yefk; bɣiɣ ad idireɣ deg umḍiq ideg ara ttuqadreɣ,
azref isem-is azref mačči lemziya!>
!» (sb’105]

ITRI