Kra n tukkisin seg udlis “abrid n talwit ” n Mass Mourad Touak

Abrid n talwit
Adlis ara k-yerren ad tḥemmleḍ tudert-ik
__________________________________________
Yura-t Mourad Touak 🖋️
____________________________________________
Mourad Touak d amusniman (amejjay n tnefsit )yerna d amedyaz, d Netta I yuran adlis annar n lehna ( le champ du bonheur) s snat tutlayin , tefransist d tmaziɣt, i win d-yesedda aḍebsi akussim (cd) s teqbaylit.
_____________________________________________
Yettmeslay-d ɣef tasnimant yelhan (psychologie positive) adlis-a yebḍa ɣef 10 n yiḥricen:

1- Tamuɣli yelhan
2-Asirem
3- Ur tettarraḍ
4-Ǧǧiɣ
5- Amer ufiɣ
6-Ur lliɣ d awḥid
7-Bɣiɣ
8-Ur ugadeɣ
9-Acḥal i ak-yeswa
10-Ad k-ǧǧeɣ
_______________________________________________
Kra n tukkisin : 

     ✏️  Ma tḥuseḍ yeffeɣ-ik laɛqel ɣef wayen i ak- d-yezzin , muqqel s udem n umɣar neɣ n temɣart , ladɣa leqbayel-nneɣ , ad teẓreḍ ayen bubben d lhem, d leɛtab, d lbaṭel,d tikli ḥafi i d-yettrebbin irgazen[…]
_______________
             ✏️Ma twalaḍ truḥ-ak taḍsa, muqqel s udem n llufan , acmumeḥ ɣef wudem-is yezga acku yefreḥ s wayen i as-d-yezzin . Yella deg ṭṭlam deg tɛebbuḍt n yemma-s, yeffeɣ-d ɣer tafat. Mi ara tettmuqquleḍ ɣur-s ama d mmi-k neɣ d yelli-k , ama ibeɛd-ik , ad yeqqim dima d llufan, amzun d lmalaykat[…]
  _______________
✏️ Ihi, iwakken abrid i d-tneǧreḍ deg tudert-ik ad yili d abrid n lehna akked talwit yewwi-d arfiq-ik n lebda ad yili d asirem,acku anda usirem tella tudert 🖋️🖋️
   __  ________________
  ✏️   Mi twalaḍ yiwen yettidir deg lehna akked talwit,yesteqneɛ s wayen yesɛa , ɣas akken yettnadi neɣ ixeddem ayen yezmer akken ad yekseb ayen ur yesɛi , ad tafeḍ taḍsa d ucmumeḥ zgan ɣef wudem-is . Mreḥba s wayen i d-yusan ama yelha ama dir-it . Wa yefka azal i tudert d wayen i as-d-yezzin yeḥsa belli tikelt kan ara yidir deg ddunit-a . Ɣef waya lehna d talwit ɣur-s d mi ara d-yekker ṣṣbeḥ ad d-yaf iman-is mazal-it yedder , ayen-nniḍen meṛṛa d zzyada acku yezmer ad inadi fell-as amdan yecban wa ɣas ḥsu belli yettidir tudert n tura , amḍiq anda tezdeɣ tudert n tidet , yeččuren d lehna akked talwit.❤️❤️❤️❤️
____________________________
         📖  Isebtar 15/ 16 /34 / 48📖
         __________________________________________
Ssarameɣ-as afud igerrzen i umaru tazmert n tzemmurt ad yeǧuǧgen s tira 🖋️🖋️
_______________________________________________
     Afud igerrzen i kra n win iqedcen ɣef teqvaylit (tamaziɣt) tutlayt tyemmat 🖋️📖📚

Sɣur: Imane Taqbaylit