Tabezzart n yibeddi s idis n umeɣnas-aneɣmas Ḥmed Ǧenadi

Aniwa deg-neɣ ur yessin, Dda Ḥmed Ǧennadi ( Ahmed Djenadi), d ameɣnas i d-yefkan u mazal yettak-d i tutlayt d yidles-nneɣ amaziɣ. Yettwassen s yisem-is d imsufeɣ ( realisateur) n ddeqs n yisura s teqbaylit, rnu yeqdec daɣen deg wannar n ssinima. Am akken i yella daɣen d aneɣmas ama di rradyu neɣ di tiliẓri. Yuɣ lḥal yexdem yakan di tiliẓri n BRTV.
Iḍelli yefka-d ayen yezmer, ass-a yessra i ufus n tallelt-nneɣ. Niqal nella nura-d ɣef liḥala-ines yakan, meεna ass-a ugar n wussan yezrin yessra i ufus n tallelt. Imi  aṭṭan amcum i yuḍen, mazal ihemmej deg-s,  yeḥwaǧ adawi berra n tmurt s tedrimt tameqqrant.
Γef waya dɣa, ldint yessi-s tabezzart i wakken ad d-jemεen tadrimt n udawi-ines.
Dda Ḥmed d win yesεan tabɣest, myal ass di teɣrabt-is n facebook yesnemmir wid  yettekkayen di tbezzart-a.
Ihi ili-ken seg wid ara d-yesseɣlin taḍsa d ucmummeḥ i wudem-is, efket-as afus n tallelt ɣas s uzuzzer n yisalli-ya.
Ad tafem s wadda assaɣ n tbezzart i as-yettwaldin.

https://m.facebook.com/story.php?story_fbid=3042264395907884&id=100003730593734