(Tiwlafin)Tasexriwt :mmuten kraḍ n yimdanen deg usehwu n yiwen n lkar

D afurgu n tumnayt yettawin gar Tɣiwant n Ayt Smaεel akked tin Tsexriwt (Taskriout) i yettabaεen i waɣir n Bgayet i yenneqlaben tura kan deg wadeg umi qqaren Aneqquc.
Γef leḥsab n yisallen imezwura i aɣ-d-yewwḍen kraḍ n yemdanen i yemmuten, wiyaḍ jerḥen. Llan deg-sen wid yenṭerren.

Iqeddacen n Uḥuddu aɣarim, xedmen axeddim-nsen akken ilaq, dɣa rzan-d srid seld tawaɣit-a. D nutni i yeskelfen s tiwin n yimejraḥ ɣer teklinikt n Tizwal n tɣiwant n Ayt Smaεel.

Ad nεezzi seg tama-nneɣ tiwaculin n wid yemmuten, wid-ijerḥen nessaram-asen tujjya.