“Abruy seg-sent” d ammud n tullisin n usdawan Sidεli Cirifi

“Abruy seg-sent” d azwel n udlis amenzu i d-yessaẓreg yilemẓi asdawan Sidɛli Cirifi.

Ammud-a n tullisin yeffeɣ-d s wudem unṣib di tuber 2024 ɣer uxxam n teẓrigin Talsa. Amud-a  ddant-d deg-s ṭam (08) n tullisin, s yizwal :

– Ṣid d Ǧawida

– Aɣmis-nniḍen

– Gar tilawt d usugen

–  Yir tikli

– Tabrat n yiɣsan

– Snitra –

Akkin i tudert

– Abruy seg-sent.

Adlis-a yebḍa ɣef 80 n yisebtar, yettnuzu di tnedlisin n tmurt s 500 yidinaren. Iga-yas tazwert, uselmad n tsekla d umezgun n ugezdu n tutlayt d yidles Amaziɣ n tesdawit Mulud At Mɛemmer n Tizi-Wezzu, Mass Amar Laoufi, unuɣ n tduli yella-d s ufus n unaẓur Hamza Mahiout.

Awal ɣef umeskar !

Ilul yilemẓi Sidaɛli Cirifi ass n 29 mayyu n useggas 2000. Yezdeɣ deg taddart n At Reḥmun yettafaren taɣiwant n At Yaḥya Mussa. D anelmad deg ugezdu n tutlayt d yidles amaziɣ di tesdawit n Mulud Mɛemmri di Tizi-Uzzu.

Sidaɛli d win ikecmen annar n tira s tewsit n tmedyezt mi yella yeqqar deg uɣerbaz alemmas, rnu ɣer waya iḥemmel snitra, yettaru ula d tizlatin, iḥemmel ad yecnu sdat yemdukkal-is. ”Abruy seg-sen-t” d adlis-ines amezwaru.

Nessaram-as afud igerrzen deg umecwar-is n tira.

Mmi-s n yilel