” Ashurru n yitbiren”: d ungal amaynut i d-yernan i temkarḍit taqbaylit.

Agdud ma yeqqen ɣer yedles-is, ulac tugdi fell-as. Am tutlayt, ma yella tettwaru deg yidlisen ur tnegger ara.

Ayagi dɣa gzan-t nezzeh wid iḥemmlen tutlayt-nneɣ tamaziɣt-taqbaylit.

Acku, ma yella nger tamawt, ad naf belli deg yiseggasen ineggura ddeqs n yidlisen i d-yettnernayen deg wannar n tira taqbaylit. Ama d amuden n yisefra, d wid n tullisin, d idlisen icudden ɣer tussna, neɣ d ungalen.

Tikkelt-a, d abeḥri n tira i d-iruḥen seg temnaḍt n At Ɛebbas, sɣur umeɣnas Taher Busεid.

Dɣa seld amecwar-is n timeɣnest ɣef tutlayt tamaziɣt i yebdan deg useggas n 1985. Anda iga tannant tamezwarut yef tjerrumt d yilugan n tira n tmaziɣt di Bgayet.

Yeḍfer abrid n uṣeɣri, yuyal d aselmad n tmaziyt deg 3 n yiɣerbazen aseggas n 1995.

Ma yella d annar n tira yekcem deg-s deg useggas n 1992.

Ass-a yessuffeɣ-d ungal umu yefka azwel ” ashurru n yitbiren “, d amerbuḥ ihi i teqbaylit, afud igerrzen i umaru.