Bgayet: Mbeεd zznazel n tsebḥit-a, medlen yimezdaɣ iberdan

Mbeεd zznazel i d-yuɣalen wwtent ass-a tasebḥit deg Bgayet, kkren-d kra n yimezdaɣ n temdint-a bellεen abrid akken ad ccektin ɣef yimdebbren ad d-fken ixxamen i wid yenneḍruran.

Ad d-nesmekti belli wwtent tasebḥit-a rebεa n zznazel di Bgayet. Yiwet ɣef 00:23 s tezmert n 4,3, tayeḍ ɣef 01:31 s tezmert n 3,1 tis kraḍ ɣef 03,37 s tezmert n 4,3. Tis rebεa ɣef 07:54 s lǧehd n 3,5. Ayagi ɣef leḥsab n CRAAG.

Dɣa, d ayen i yeǧǧan aṭas n yimdanen n Bgayet ur kemmlen i yiḍ deg yixxamen-nsen seg tuggdi. Wa yeffeɣ-d i tkerrust-is, wa yeqqim deg unnar (stade).

Imezdaɣ-a i ibellεen abrid ssuturen ad asen-ttunefkent tnezduɣin s uzrab acku nṭerren yixxamen-nsen seg zznazel akk i d-yellan di Bgayet ussan-a.

Akka tura aṭas i tezdeɣ tuggdi seg zznazel-a i yugaden mačči d tigamanin (naturelles)