Amaynut di tira taqbaylit: yeffeɣ-d ungal ” Zira ” n Masika Tewwati

D agerruj-nniḍen i d-terna Massa Masika Tewwati i temkarḍit n tira taqbaylit. Ayagi imi, i d-tessuffeɣ ussan-a yezrin ungal-is amaynut, umu tefka azwel ” Zira “.

I yisalli, ” Zira ” d awadem agejdan n wungal-agi. Taneggarut-a tebda teqṣiḍt-is, imi i tettekka deg tfaska n ssinima i yettwaxedmen di Bgayet. Dinna dɣa, ddukklent-d ddeqs n tmyra-nniḍen.

Ad d-nesmekti belli, seg tazwara n useggas n 2021 armi d tura, 14 n wungalen i d-yeffɣen s tutlayt n tyemmat taqbaylit. Gar-asen sin d tasuqqilt seg tutlayin-nniḍen i teqbaylit.

Ayen yeṣṣefraḥen ugar deg waya, imi tuɣal tmeṭṭut taqbaylit teckunṭeḍ deg wayla-s. Tekcem ɣer wannar n tira s tutlayt-is s teggurt-is tameqqrant. Γef usentel-a dɣa, ad d-nebder belli aseggas-a kan, 7 n wungalen i d-yeffɣen sɣur tlawin-nneɣ:

1) “Taɛekkazt n lejdud”, Naima Benazzouz

2) “Seg tallast ɣer tafat”, Silya Mula

3) “Timegraḍ yessawalen”, Tilyuna Su

4) “Azrug ɣer tayri”, Mina Aggaz-Yahiaoui

5) ”Zaya”, Jeǧǧiga Belεidi

6) ”Tawes Ibel3iden”, Fadila Oulebsir, ara d-yeffɣen deg wussan i d-iteddun

7) “Taqsit n tudert-iw”, Fadma At Mensur 3emruc (tasuqqilt n “Histoire de ma vie” ) sɣur Katia Touat

8) ” Zira “, Massika Touati

Ma yella d wid i d-ssuffɣen yergazen:

9) “Yal abrid ɣer tillas”, sɣur Belqasem Sikadir

10) “Tafsut d tinigit”, sɣur Nadir Saxri

11) “Udem tezzer ccmata”, sɣur Muhend Salah Aknouche

12) “Lpari mm leqwas”, sɣur Idir Amer

13) “Ijejjigen n tillas”, sɣur Rabeh Allam

14) “Akruran”, Paulo Coelio (tasuqilt n “L’alchimiste” ) sɣur Hmed Nekkar

Nessaram-asen afud igerrzen i yimyura-nneɣ.